43. Лемківска Ватра в Ждині 18-20.07.2025

Ватра – то найбільше свято лемківской культури в Польщи, подія повна магії, на яку кожного рока приїжджают лемки зо всіх куточків Польщи, але тіж Словаччини, України, Сербії, США чи Канади.

В 2025 році на Ватрі будеме святкувати день народжиня – 35 років Об’єднання лемків.
Зато просиме на Ватру наших сусідів – поляків, поґужан, орав’ян…

Так як на уродиновім святі принесеме Вам виняткову атмосферу, за яку подбає передо шитким головна сцена – на ній найдете лемківску музику в ріжних формах – поп, рок чи чиста традиція.

Майстерня черговий раз пригадає нам якима ремеслами занималися мешканці карпатского села.
На Ватрочці діти навчатся лемківских танців, пісень і забав. В Літерацким Шатрі і Хижи будут мати місце інспіруючи стрічи з науковцями, артистами і політиками. Дізнамеся яке є місце лемків в Європі, яки проблеми сут для них найголовнішима, де прямуют, яки є стан сучасних досліджень лемків і як розвиваєся лемківска література і мистецтво?

Згідно з указом Європейского парламенту і Ради 2016/679 з 27 квітня 2016 рока о захисті персональних даних (RODO), який набрав сили 25 травня 2018 рока, інформуєме, же активна або пасивна участ в події «43. Лемківска ватра в Ждині» означат Вашу згоду на реєстрацію Вашого зображеня в формі: фотореляції, відеореляції і реєстрації звуку, яки організатор події – Об’єднаня лемків і одиниці залежни од організатора будут використувати в інформаційно-промоційних і архівальних діянях.
Веце о RODO можете прочитати гев: https://giodo.gov.pl/pl/569/9276