Свято лемківської культури – 44. Лемківська Ватра в Ждині

Дороги,

Інформуєме Вас, же зупиняме зголошиня до програми Свята лемківской культури – 44 Лемківской Ватри в Ждині.

Кличка 44 Ватри звучит: «Дома найліпше» і радістю для нас є видіти, же Ватра то рідний дім не лем для нас, організаторів, але тіж для кожного, хто хоче той дім разом будувати і ставати частином винятковой стрічи, яком є Ватра. Дякуєме сердечні шитким, яки до тепер посилают зголошиня і хочут разом з нами творити 44 Ватру. Так міцне зацікавліня нашом подійом є для нас приводом до радости і гордости.

Попри широку формулу нашой Ватри, наши програмни можливсти лишаются обмеженима. На жаль не зме в силі запросити шитких охочих до участи в 44 Лемківскій Ватрі.

Артистам, ансамблям і шитким задіяним щиросердечні дякуєме за зацікавліня і юж гнеска просиме на 45 Лемківску Ватру в 2027 році.

Заохочуєме тіж би сте слідкували за нашима суспільнима каналами і сторінком watrazdynia.pl, на якій юж незабаром оприлюдниме цілу програму 44 Лемківской Ватри в Ждині.

Видимеся біля ВАТРИ!
Об’єднаня лемків