Калібрі Ґенґ то група, яка била створена на східній Словаччині і творит свій винятковий фолькреп – поєднаня традиційного руснацкого фольклору з модерним репом і дрилом. Групу творят: Hektor (Іван Гудак), Trapboydonatelliss (Кристіян Гнат) і Tchallabeatz (Ерік Ґашпар).

Для їхньой творчости питомим є вживаня рідной бесіди, традиційних мелодій і народних мотивів, яки поєднуют з модернима бітами і реповима текстами. Таким чином намагаются зберегти і пропагувати руснацку культуру серед молодого поколіня.

Їхній дебютний альбом «Фолькреп» вміщає в собі треки, яки віддзеркалюют їхнє походжиня а водночас приносят нове звучаня. Новий альбом, якого перши звуки почуєте з ватряной сцени, має подля замірів Калібрі Ґенґ іщи тісніше поєднати фольклор і реп.