ІНТРАДЕ має свох початки влітку 2020 рока. Назва гурту взялася з хорватской мови і можна єй перевести як «дашто файне», «дашто што приносит радіст». Гурт, як і його члени, походит з Нижнього Шлеска, або як то бесідуют лемки – «зо Заходу».
Гурт творит трьох молодих лемків: Ярослав Клінкєвич (основатель, акордіон, спів), Павло Басалиґа (гушлі, спів) і Михайло Ґожинский (клявішови інструменти, спів).
Інспіруются найголовніше лемківскима, українскима, русинскима і словацкима співанками.
