Важлива роль Ватри то репрезентація інтересів порозмітуваних по цілій Польщи і світі лемків. Зато Ватра стала плятформом, на якій ведеся діалог медже трьома державами: Польщом, Україном і Словаччином. Присутніст на Святі лемківской культури політиків…

Важлива роль Ватри то репрезентація інтересів порозмітуваних по цілій Польщи і світі лемків. Зато Ватра стала плятформом, на якій ведеся діалог медже трьома державами: Польщом, Україном і Словаччином. Присутніст на Святі лемківской культури політиків, передставників державной адміністрації, лідерів лемківского-україньского суспільств має благодійний вплив на будуваня добросусідских відносин медже народами.

До гнески універсальний вимір Свята лемківской культури підкреслила прусутніст таких люди як: Маршалок польского Сенату Аліція Ґжеськовяк, Маршалок польского Сойму Мацєй Плажиньскі, голова Адміністрації Президента Польщи Ельжбєта Якубяк, посол Яцек Куронь, Голова НІК Лех Качиньскі, віце-міністр культури Польщи Стефан Старчевскі, віце-міністр культури і туризму України Ольга Бенч, директор відділу віросповідань і меншин МВС Польщи Збіґнєв Філіпковскі, посол України в Польщі Олександр Моцик, генеральни консулі України в Кракові Михайло Бродович та Олег Мандюк, малопольский воєвода Станіслав Крацік, віце-маршалок малопольского воєводства Вітольд Сьмялек та сенатор і режисер Казімєж Куц.

Почесним гостьом Ювілейной XXV Лемківской ватри бив Президент України Віктор Ющенко зо свойом родином.

Учасники Ватри слухали архипастирски слова медже інчима: високопреосвященнішого кир Івана, митрополита Перемиско-Варшавского УГКЦ, б.п. високопреосвященнішого кир Адама, архиєпископа перемиско-новосандецкой єпархії ПАПЦ, високопреосвященнішого кир Євгена, Митрополита Перемиско-Варшавского УГКЦ, преосвященнішого кир Володимира, єпископа Вроцлавско-Гданского УГКЦ, преосвященнішого кир Паїсія, єпископа горлицко-перемиского.

Триденну Ватру відвідуют тіж науковці ци митці, а медже нима:

Што рік Ватра гостит лідерів лемківских організацій з Польщи і діаспори з: Канади, США, Німеччини, Словаччини, Сербії, Хорватії, України, як тіж прихильників і люди, яким Ватра близка серцю з Польщи і цілого світа.

До гнески почесний патронат над нашим фестивальом взяли: