Капеля Карпатска Люна – Горлиці (Польща)

Капеля била створена з нестримной дяки до музикуваня і плеканя музичних традицій Карпат. Члени мают од 14 до аж 58 років! Берут під свої руки і уха твори рідной традиції – поґужански і лемківски, як тіж гуцулски, румунски, мадярски і жидівски – і находят в них дашто спільне, што мож назвати музиком Карпат. На тій же основі будуют свій стиль, збогачают традиційни пісьні, творят свої аранжації.

Капелю заснував Ян Маліш, народній гудак, музичний вчитель, гушлярский майстер. Ансамбль діє при Горлицким центрі культури.

Члени капелі:

Ян Маліш – гушлі
Кароль Панцеж – гушлі
Зузанна Копка – гушлі
Дарюш Маліш – гушлі
Катажина Беднаж – гушлі
Маґдалена Маєр – віольончела
Вероніка Бонк – віольончела
Сара Бонк – бубон-барабан
Радослав Маліш – баси

fot: Natalia Pacana-Roman