Бур’ян то польско-лемківский фольковий ансамбль, котрий інспірує головні лемківска музика з огляду на коріня його членів – Бескид Низкий, де переплітаются культури лемків, поґужан, словаків, жидів і інчих етносів. В репертуарі групи можна почути лемківски, польски, україньски, сербски, а тіж чески народни сьпіванки в аранжаціях, яки підкресляют слов’яньский клімат і делікатні, а часом енергійні провадят през вшитки тоти культури і однаходят в них спільни джерела.

Перший концерт Бур’яна одбився під час «Хвилини з русиньском-лемківском культуром» в Лісьци (Нижня Сілезія). Втовдиль ансамбль запланував наступни проби і спільне музикуваня, што ся оказало барз добром ідейом. Група виступлювала на Ватрах в Ждини, Михалові, Олаві, Тиличи, Лугах. Ансамбль брав участ в Молодіжним концерті етнічной і фольковой музики во Львові, Краківских міжнародних торгах народного мистецтва, а тіж концертував в «Певници під Баранами», на фестивалю «Етнічни інспірації» в Варшаві, в Домініканьскій Ґалерії і Ґрунвальдским Пасажу во Вроцлаві і ін. Бур’ян завше має барз добрий контакт з публичностьом, то еластичний ансамбль, котрий чудово ся вписує і в велики, і в мали концерти і танцювальни забави. Гурт цілий час ся розвият і глядат нових інспірацій.