Zapowiedź Watra 2018 – cyr

XXXVI Лемківска ватра «Весільна(с)» 20-22 липня 2018 р., Ждиня.

Лемківска ватра в Ждини юж од 36 років є місцьом для спільной, міжпоколіньовой забави, як тіж нагодом до інспіруючих стріч і дискусій. До нашой Ватри прилипли юж постійни точки програми, але фурт не здаєме пляцу бою і кожного рока намагамеся пропонувати Вам дашто нове. Минулорічна Ватра била для нас спомином Акції “Вісла” в єй 70 річницю. Розмір той травми має фурт вплив не лем на лемків, котри досвідчили єй безпосередньо, але тіж на нови поколіня. Попри то з надійом і оптимізмом позераме в майбутнє, зато темом тогорічного Свята лемківской культури буде лемківске весіля!

В лемківскій традиції весіля і обичаї, повір’я, обряди і практики, яки ся з ним в’яжут, мают принести молодятам любов, здоровля і успіх. Того хочеме жичити не лем собі, але тіж шитким учасникам Свята лемківской культури. Лемківску ватру з весільом в’яже дуже символічних дій. Ватра то місце, в яким стрічаются, розділени перед роками родини, молоди пізнают нових знаємих, а спільни танці і співи лунают до білого рана, аж сонечко зийде. Ватра то тіж велика родинна стріча, од якой б’є любов люди до себе і до того што своє, рідне. Зато рішили-зме вплести елементи весіля в нашу ватряну програму.

В програмі XXXVI Лемківской ватри в Ждини передвиділи-зме медже інчима: кольоровий весільний похід, який отворит тридневне святкуваня, стрічу весільних старостів з панельом, на яким побесідуєме о сучасних лемківских весілях, варштати весільних приспівок і в’язаня хусток, науку сващиня, стрічу з весільнима обрядами, виставу шлюбной фотографії, шоу  – конкурс для лемківских пар.

Не буде бракувало традицийной і модерной музики, як тіж весільной «під ногу» і такой, што мож собі спокійно послухати.

Програм головной сцени

20.07.2018 (П’ЯТНИЦЯ) — ЗРУКОВИНИ

  • 14:00 Урочисте запаліня 36. Лемківской ватри

Треба би нам, треба огня високого, жеби ся нам зійшла родина до нього…

  • 14:15 Концерт

Пришли-зме ту пришли, сіли на лавочку, вкажте же нам, вкажте біленьку дівочку

— Лемковина — народний ансамбль пісні і танцю, Львів (Україна)

— Краснобрідчанка — фольклорний ансамбль, Красний Брід (Словаччина)

— Студенка — ансамбль пісні і танцю, Калуш (Україна)

— Гажлінчанка — вокальний ансамбль, Гажлін (Словаччина)

— Лемчатко — дитячий ансамбль, Калуш (Україна)

— Ручай — дитячо-молодіжний ансамбль, Горлиці (Польща)

  • 16:30 Дитячий конкурс рецитації і співу
  • 17:15 Концерт

Горіла сосна, сухий пень, грали музики цілий день…

— Чижики — дитяча вокальна група, Вроцлав (Польща)

— Дикі бджоли — вокальний ансамбль Комплексу шкілз україньском мовом навчаня ім. Б.І. Антонича, Лігниця (Польща)

— Ластівочка — ансамбль пісні і танцю, Пшемків (Польща)

— Бетяри — фольклорний квінтет, Мукачеве (Україна)

— Іґліка — ансамбль балканьских пісен і танцю, Краків (Польща)

  • 19:00 Вечірній концерт

Заграйте, гудаки, на цілого смика, а я вам заплачу — як продам коника…

— Оркестра св. Миколая — фольковий ансамбль, Люблін (Польща)

— Стропков’янe — вокально-інструментальний ансамбль, Стропків (Словаччина)

— Павлина Хмура — показ огня

— Бур’ян — фольковий ансамбль, Горлиці (Польща)

— Павлина Хмура — показ огня

— Надія — фольк-рок ансамбль, Лешно Горішнє (Польща)

21.07.2018 (СУБОТА) — ВЕСІЛЯ

  • 10:30 Вшануваня жертв акції Вісла в Місци пам’яти
  • 11:00 Урочисте привитаня гости 36. Лемківской ватри

Ластівочка — ансамбль пісні і танцю, Пшемків (Польща)

  • 12:15 Концерт

Весіля, весіля, на весілю люде…

— Зоря — вокальний ансамбль, Устя Руске (Польща)

— Лемковина — ансамбль пісні і танцю, Львів (Україна)

— Дивоцвіт — жіноче вокальне тріо, Зимна Вода (Україна)

  • 13:15 Концерт дитячих і молодіжних ансамблів

Як си заспіваме не треба нам грати, за своїм голосом — будеме гуляти…

— Лемківский перстеник — дитячо-молодіжний ансамбль, Гладишів (Польща)

— Малі Гольні — дитячо-молодіжний ансамбль, Сєроцкє (Польща)

— Бавниця — дитячий колектив народного танцю, Зимна Вода (Україна)

— Дикі бджоли — вокальний ансамбль Комплексу шкіл з україньском мовом навчаня ім. Б.І. Антонича, Лігниця (Польща)

— Оголошиня результатів Конкурсу знань про Лемківщину і Конкурсу малюнку Лемківщина оком дітини, урочисте нагороджиня переможців

— Лемко Тавер юніор — фольковий ансамбль, Стшельці Краєньски (Польща)

  • 16:00 Концерт

Вчера била дівка під віночком, а гнеска є жена під чепочком…

— Краснобрідчанка — фольковий ансамбль, Красний Брід (Словаччина)

— Юлія Дошна — співачка, Лося (Польща)

— Кечера — ансамбль пісні і танцю, Якуб’яни (Словаччина)

— Карпати — фольклорний ансамбль, Врбас (Сербія)

— Бетяри — фольклорний квінтет, Мукачеве (Україна)

— Свидницки геліґонкаре — чоловічий співацкий колектив, Свидник (Словаччина)

  • 17:30 Конкурс для пар

Він високий, а я низка, буде пара серцю близка…

Небо над Бескидом — презентація дипломовой колекції Мілі Пиж, інспіруваной лемківскима краєвидами

  • 19:00 Вечірний концерт

Заграйте мі гушлі, гушлі яворови, най сой витанцюю ножки шугайови…

— Лемко Тавер — фольковий ансамбль, Стшельці Краєньски (Польща)

— Троянда — фольковий ансамбль, Хоцянув (Польща)

— The Ukrainian Folk — фольк-роковий ансамбль, Ґурово Ілавецке (Польща)

— ГГ ГуляйГород — мішанка традиційного поліфонічного співу і електронічной музики, Кропивницкий (Україна)

22.07.2018 (НЕДІЛЯ) — ПОПРАВИНИ

  • 13:00 Концерт

Бодай ся когут знудив, што мене рано збудив…

— Семерацка ружа — репрезантацийний ансамбль Об’єднання лемків (Польща)

— Карпати — фольклорний ансамбль, Врбас (Сербія)

— Свидницки геліґонкаре — чоловічий співацкий колектив, Свидник (Словаччина)

— Юлія Дошна — співачка, Лося (Польща)

— Бавниця — дитячий колектив народного танцю, Зимна Вода (Україна)

— Театральна група — режисер Ліна Гвать, Ряшів (Словаччина)

  • 14:30 Дитячий конкурс рецитації і співу
  • 15:20 Концерт

Юж єм ся оженив, юж свою буду мав, юж я вас дівчата не буду любував…

— Патрик і Майка Шуркалови — вокальний дует, Бехерів (Словаччина)

— Роса — молодіжний вокальний ансамбль, Устя Руске (Польща)

— Дивоцвіт — жіноче вокальне тріо, Зимна Вода (Україна)

— Стебничанка — вокальний ансамбль, Стебник (Словаччина)

— Кечера — ансамбль пісні і танцю, Якуб’яни (Словаччина)

  • 17:00 Урочисте загашиня огня 36. Лемківской ватри в Ждини
  • 17:15 Поправини

Весіля ся кінчит, біда ся зачинат, молодиця плаче, же юж не витримат…

DJ Лемко, Маластів (Польща)

 

ПРОСТІР СЛОВА

Стрічи, дискусії, лекції

| Літерацке шатро на Лемко стріт

П’ятниця 20.07.2018

  • 14:00–14:45 Сонце в силзах вигнаних —  авторске спітканя з Олександром Маслейом; ведучий Богдан Гук, фрагменти читат Катажина Степан
  • 15:00-16:00 Видавництва Лемко Тавер — стріча з Бартломєйом Ліхтаньским, Оксаном Грабан і о. Артуром Грабаном; ведуча Катерина Ковальска
  • 16:15-17:15 Народни способи змітуваня вроків в Карпатах —  тематична стріча з др Ольгом Соляр
  • 17:30-18:40 Бещадский трикутник —  авторска стріча з Ярославом Сирником; ведучий Богдан Гук
  • 19:00-20:00 Українске населеня на Лемківщині в роках 1939-1945 —  тематична стріча з др Марюшом Гумецким

Субота 21.07.2018

  • 14:00-15:00 Од кудели до постели. Жіноча доля в обрядах лемківского весіля —  тематична стріча з Натальом Кляшторном
  • 15:15-16:15 Громадяни другой категорії. Тематична стріча про тавруваня виселених в рамках акції Вісла —  др Ольга Соляр, др Божена Пацтва
  • 16:30-17:30 Сироп з полину. Вигнани в акції Вісла, авторска стріча з Павлом Смоленским; ведуча Анна Бас
  • 17:45-18:45 Малий злочин авторска стріча з Марком Лущином; ведуча Ольга Соляр
  • 19:00-20:00 Лемківщина на столітя Речипосполитой. Пріба білянсу —  дискусійний панель істориків, учасники: др габ. проф. Ярослав Сирник — Вроцлавский університету, др Григорій Купрянович, др габ. проф. Богдан Гальчак — Зеленогірский університет; ведучий Богдан Гук

 

МАЙСТЕРНЯ

Варштати ремесла і народнього мистецтва

Што дідо з бабцьом знали, ми будеме майстрували!

20.07.2018 (П’ЯТНИЦЯ)

  • 12:00 — Майстер-клас технік лемківской вишивки — Валентина Новікова
  • 13:30 — Майстер-клас плетіня з лозини — Малгожата Левек
  • 15:00 — Майстер-клас творiня мила —Ганя Чухта
  • 16:30 — Майстер-клас Лялька-мотанка — Маргарита Левек
  • 16:30 — Майстер-клас лемківской кривульки — Світлана Майстриня

21.07.2018 (СУБОТА)

  • 12:00 — Майстер-клас технік лемківской вишивки — Валентина Новікова
  • 12:00 — Майстер-клас традицийного в’язаня хуст — Наталія Свиридюк
  • 13:00 — Майстер-клас витинанки — Марія Янко
  • 14:30 — Майстер-клас традицийного в’язаня хуст — Наталія Свиридюк
  • 16:00 — Презентація вирабляня біжутерії — Світлана Майстриня
  • 17:30 — Майстер-клас вбeраня весільних чепців — Наталiя Кляшторна

22.07.2018 (НЕДІЛЯ)

  • 12:00 — Майстер-клас Лемківска писанка — Марія Янко
  • 13:30 — Творіня лемківского зільника — Ганя Чухта
  • 15:00 — Майстер-клас технік лемківской вишивки — Віра Забора

 

ВАТРОЧКА

Місце забав і інтеграції для наймолодших ватрян

Як си заспіваме не треба нам грати, за своїм голосомбудеме гуляти!

20.07.2018 (П’ЯТНИЦЯ)

  • 12:00 — Лука повна квітя — витинанки з паперу — Александра Баюс
  • 13:00 — Конкурс знань про Лемківску ватру в Ждини — Александра Баюс
  • 14:00 — Весели звірята — малюваня обличя — Александра Баюс
  • 15:00 — Майстер-клас творiня мила — Ганя Чухта
  • 16:30 — Майстер-клас Лялька-мотанка — Маргарита Левек

21.07.2018 (СУБОТА)

  • 12:00 — Весіля на Ватрі — занятя пластични — Александра Баюс
  • 13:00 — Майстер-клас витинанки — Марія Янко
  • 14:30 — Кольорова голова — заплітаме коси — Александра Баюс
  • 16:00 — Презентація вирабляня біжутерії — Світлана Майстриня
  • 17:00 — Конкурс шмаряня м’ячом — Александра Баюс

22.07.2018 (НЕДІЛЯ)

  • 12:30 — Наша мала Ватра — вспільне творіня плякату — Александра Баюс
  • 13:30 — Приготуваня лемківского зільника — Ганя Чухта
  • 15:00 — Маски і корони — занятя пластични — Александра Баюс
  • 16:00 — Музични калямбури — забава інтеграцийна — Александра Баюс

 

ЗВУКОВЕ СТУДІО-ГОЛОСИ МИНУЛОГО

Голоси минулого — 72 години

Лиш за собом гнешній час і пірний в голоси предків в спеціальні зрихтуванім шпихліри…

| Cипанец при хижи

  • п’ятниця, субота, неділя | 13:00–18:00

Слухати буде можна: архів звукових записів Радіо Лемко, звукови записи Романа Райнфуса, приватний архів звукових записів; записи вибрав: Григорій Суханич

 

ЛЕМКІВСКА ВАТРА ВЕСІЛЬНА(С)

Стрічи і варштати на тему лемківских обрядів весільних

| Галерея Лемківской ватри в хижи

  • п’ятниця | 15:00

Чепме же єй чепме, до нового чепця

Стріча-варштати для свашок, ведут: Анна Вірхняньска, Маргарета Цюрик, Анна Шкурат, Аґата Колодійчик, за музику стараются: Юрій Лабівский

  • субота | 15:00

Староста маціцкє компендіюм

Стріча для адептів і старостів весільних. Пояснювати, дискутувати і провадити практични вправи будут старости: Іван Чіжмар (Свидник), Юрко Стажиньский (Лігниця), Адам Кузяк (Бортне); веде: Данило Горощак

 

ПРОСТІР ОБРАЗУ

Документальни і історични виставки

| Галерея Лемківской ватри в хижи і галерея в пленери

  • п’ятниця, субота, неділя

Будете могли позерати на виставки:
Жеби мав наше ім’яОб’єднання лемків в справі Епіфанія Дровняка – Никифора — виставка документів і фотографій з архіву ОЛ; виставку опрацювали: Штефан Гладик і Василь Шлянта
Лемківскє весіля — виставка весільних фотографій (зрихтувана без Об’єднання лемків)

Виставка документів і тематичних опрацювань з архіву Об’єднання лемків

Виставка пластичних творів, присланих на конкурс Лемківщина оком дітини (конукрс і виставка, зрихтувана без Об’єднання лемків)

 

ЛЕМКОТРОПИ 2018—Бер орієнтир на ЖДИНЮ!

Теренова забава — мусите мати добру орієнтацію і час; cтартувати можна в двоособових командах

| Терен цілого фестивалю

  • п’ятниця, субота

 

XXIV ЛЕМКІВСКА СПАРТАКІАДА

Грайме в єдній команді!

| Tерен фестівалю і спортивний майданчик

  • п’ятниця, субота

 

ПРОСТІР ПАМ’ЯТИ

  • 19.07.2018 (четвер)

Покладаня квітів: Епіфанію Дровнякови в Креници, Богданови Ігору Антоничу в Новици, Якову Дудрі і Левку Ґальови в Лоси, Петрові Чухті в Ждини, Филипови Іконяку в Явірках.

Вернісаж виставки малярства професора Львівської академії мистецтв Віктора Москалюка на Сарепті в Новици о 18:00 годині. Переказаня Осередку Сарепта портреу Богдана Ігоря Антонича.

 

БЮРО ПРАВНИХ КОНСУЛЬТАЦІЙ

  • 21.07.2018 (cубота), 14:00–17:00

В давнім бюрі Ватри при Лемко-стріт

Меценас: Павло Сокіл

Під час 36. Лемківской ватри в Ждини одбудутся юридични консультації в справі старань про поверніня майна, втраченого внаслідок акції Вісла.

 

Love is in the air! Любов є в повітрі!

Любов є на Ватрі в Ждини!