Так старши люде зачинали свої оповістки, свої історії.
Свято лемківской культури Лемківска ватра в Ждині то шторічна, неймовірно важлива для шитких лемків стріча: стріча поколінь, родин і приятелів.
За горами і за лісами…
Так старши люде зачинали свої оповістки, свої історії.
Свято лемківской культури Лемківска ватра в Ждині то шторічна, неймовірно важлива для шитких лемків стріча: стріча поколінь, родин і приятелів. Є то нагода, би єднатися при спільній пісні довкола того, што близкє серцю. Така била думка Володислава Грабана і люди з Репрезентацийного ансамблю пісні і танця Лемковина з Білянки, котра сталася основом фестивалю. Перши Ватри били стрічами Лемковини, яки кождого рока зростали в силі.
Лемківска ватра мандрувала Лемківщином, перше зайшла до Чарной (при Устю Рускім) на літо 1983 і 1984 років, потім перейшла до Ганчови (1985) і Бортного в роках 1986, 1987, 1988 і 1989. Починаючи з маціцьких неформальних стріч, кінец-кінців перетворилася в Свято лемківской культури. А тота метаморфоза є плодом сумлінной і багатолітньой праці вельох люди.
ЖДИ(Й)НЯ
Ждиня — то невеличке село, єдно з багатьох в ріднім Бескиді. Медже інчима знамените свойом красом і своєрідном магійом, яка раз до рока, в липні, тягне ґу собі лемків (і не лем!) з цілого світа.
Од 1990 рока Лемківску ватру організує Об’єднаня лемків в Ждини, гев Ватра найшла на довше своє місце посеред рідних Гір. Подія дозріла, повекшилася. Місце, де проводится Свято лемківской культури било тіж нераз модернізуване. Територія Ватри то загороджене 2,5 гектаря, де найти можна ґастрономічно-санітарну інфраструктуру, амфітеатр, сцену, а навіт малий музей. Цілий ареал фестивалю то 9,5 гектаря!
ІСТОРІЯ ЛЕМКІВСКИХ ВАТР — файл за мотузком:
