Надія (Польща)

Ансамбль Надія бив оснований в 2008 році. Лідером групи є Андрий Кайфаш.  Музика, яку грают є мішанином ріжних жанрів – медже нима мож назвати рок, фольк, ска і реґґе. Їхні твори об’єднуют традиції багатьох слов’янских культур, яких репрезентантами сут члени ансамблю. Тексти пісень складают по-лемківски, по-українски і по-польски. Змішаня ріжних музичних напрямів творит енергічнй ціліст. Ансамбль виступує по цілй Польщи і далеко за єй межами – били медже інчима в Канаді, Німеччині, Чехах і Україні. Їхня сьпіванка «Як собі засьпівам» з другого цедечка «Культурал» потрапила на верх списку гітів радіо «Плюс». Інчи радіа, медже нима «Зет», «Щецін», «Захід», «Зелена Гора», «Вава», а навіт польска телевізія доцінили і промували творчіст Надії. Група гостила тіж на сцені програму -X-FACTOR, де журі дало єдноголосу оцінку – штирі раз «ТАК».

Андрий Кайфаш – сьпів
Павло Басалиґа – гушлі
Ярослав Клінкєвич – акордіон
Радек Козьба – електрична гітара
Фаб’ян Кравчик – бас гітара
Мацєй Гасс – ударни інструменти