Містер Корона

Конкурс «Містер Корона» в часі онлайн Ватри
в Ждині

З огляду на винятковий час, перший раз в історії Ватри, організуєме онлайн конкурс на містера. Того рока вибереме «Містера Корона».

Глядаме хлопчисків/хлопів, яки хотят запрезентувати себе вшитким.

Гладаме тих, яким не чужи любов, гумор, цікавий характер, оген в очах або перерва
медже зубами… А разом з тим (і задля того) барз парадних. Тих, яки студюют або іщи працюют. Лемків, бойків, русинів і інчих козаків.

Не глядаме майбутніх моделів, але кед ся такий трафит то маме номери до Медіолану!

Ваша присутніст має вказати чоловічу красу нашой культури.
Одлож перо, долото, мушку, бер телефон і роб сельфічку!
Дівчата Вас чекают!!!

Конкурс буде в двох етапах

Перший:

  • пошлий нам свою фотку в найгарщим подля тебе облечиню (народнім або таким на пляжу) – креативніст то річ найголовніша, бо лем ти знаш што найбарже підчеркне твою красу – а до того мусиш послати своє ім’я і назвиско, інформацію кілко маш років і одкаль єс. Тот пункт є обов’язковим;
  • вкаж нам свій найвекший талант – на коротким відео (максимально 30 секунд) або на фотці. Можеш засьпівати, закрутити гуля-гопом, загуляти або повишивати пару хрестиків. Тот пункт тіж є обов’язковим;
  • пошлий нам коротку бесіду о будь-чим (максимально 30 секунд) – але мусиш бесідувати по свому! Бесідувати можна зо сестром, бабцьом, сусідком, мамичком або даяком колежанком. Посиланя бесіди не є обов’язкове, є то опція для тих, яки любят випучити груди і вказувати вшитко што добрі знают робити 😉
  • Пошлий виже вказани річи на адресу:

    → mister.korona.vatra.zdynia.2020@gmail.com

    до 28.06.2020 р.

Другий:

  • публікація кандидатів на нашій ґамбокнижці і голосуваня. Хто збере веце лайків-вподобайок – тот зістане переможцьом. З переможцями будеме контактуватися телефонічні.

Передбачена є – як все – чудова нагорода для нашого Містера. Три перши місця нагородиме, а і вшитки кандидати дістанут маціцький подарунок.

Пам’ятайте, би сте послали разом зо зголошиньом ваш номер телефону!
Не забудте тіж добавити підписанизгоду на перетворюваня персональних даних і згоду на користаня з ваших відео і фоток – пошлийте їх електронном поштом
→ mister.korona.vatra.zdynia.2020@gmail.com
і традицийним листом на адресу: Zjednoczenie Łemków, ul. Jagiełły 2, 38-300 Gorlice

 СКАЧАТИ 

→ OŚWIADCZENIE – ZGODA NA PRZETWARZANIE DANYCH OSOBOWYCH
→ OŚWIADCZENIE – ZGODA NA WYKORZYSTANIE WIZERUNKU /doc/

→ OŚWIADCZENIE – ZGODA NA PRZETWARZANIE DANYCH OSOBOWYCH
→ OŚWIADCZENIE – ZGODA NA WYKORZYSTANIE WIZERUNKU /pdf/

17.06.2020
→ REGULAMIN KONKURSU „MISTER KORONA” /pdf/

18.06.2020
→ Klauzula RODO /pdf/