ДІКАНДА

Діканда то оснований в 1997 році в Щеціні, доцінений особливо за границями Польщи ансамбль, який грає так звану «world music».  В своїй творчости Діканда на першім місци ставляє автентичніст свого напряму – глядат нових течій, а більшіст творів то авторски композиції. Музичну інспірацію члени Діканди берут спомедже традиційних, фолькових мелодій широко понятого орєнтального сьвіта – од Балканів, через Ізраїл, Курдистан, Білорусь, аж до Індій. Їхні твори головно містят в собі звучаня питоме для народів балканских і циганской музики. Діканда випустила до широкого сьвіта юж 9 цедечок, дуже разів били тіж нагороджувани – тіж званьом «Диск рока» німецкого часопису «Фолкер», присвоєним в 2005 році за альбом «Уштійо». Концерти Діканли то емоційна мандрівка по етнічних звуках, стихійна стріча переповнена енергійом, харизмом і справжніма почутями. Характерне для групи є творіня нових слів на потреби своїх творів – так била основана оригінальна мова ансамблю – дікандиш. Найголовніше для творчости Діканди є їхнє посланя – реляція медже артистами а їхньом публіком.

Послухайте гев: