Н’лем folk
Н’лем folk
Чаварґош
Чаварґош
ФлайzZzа
ФлайzZzа
Крамбабулю
Крамбабулю
Горпина
Горпина

Лемківска Ватра 2019

37. Лемківска Ватра в Ждини 19–21.07.2019

Лемківска Ватра то юж од 37. років місце спільной, меджепоколіньовой забави, та тіж нагода до стріч і дискусій, яки інспіруют. В климат Ватри гвойшли юж постійни програмови точки, а ми фурт не лігаме не лаврах лем шторік намагамеся зробити програму Ватри богатшом. Лейтмотивом минулорічной Ватри било лемківске весіля. Рішили зме іти том доріжком, а завела нас она до лемківского народнього одягу. Разом з Вами будеме пізнавати його особливости, символіку і пов’язани з ним обичаї — святочни і штоденни. Того рока ставялме на добрий одяг і не менче добрий настрій.

Чом лемківский народній одяг?

Важливом частю, яка висловлює нашу давну і січасну тотожніст є наш одяг. Його значиня і символіка сут багатоярусни як і сам одяг. Одяг то носій багатьох символів, виріжнят нас, приводит на думку регіон або історичний період, може тіж вказувати на суспільний або супружеский стан.

Гнеска лемківска народня культура переходит сильни переміни, та наш одяг фурт існує, хоцки в цілком юж інчим контексті. Облечиня стало костюмом, який вдягаме в часі вшелеяких подій релігійних, обрядових ци фольклорних. Тіж наша Лемківска Ватра в Ждини є том святочном стрічом, коли вядгаме наприклад сорочки — фрагменти стародавнього одягу наших предків. В тім році в програму 37. Лемківской Ватри вплетеме множество нав’язань до традиційного облечиня, би так пдічеркнути наше культурне богатство, колорит, пошану для традиції, висловити гордіст і найти нови трансформації в сучасній культурі.

Одягниймеся парадні і до стрічи в Ждини!

Промо відео 2019

poдo

Zgodnie z Rozporządzeniem Parlamentu Europejskiego i Rady (UE) 2016/679 z dnia 27 kwietnia 2016 r. o Ochronie Danych Osobowych (RODO), które weszło w życie 25 maja 2018 roku, informujemy iż bierny oraz czynny udział w wydarzeniu pn. 37. Łemkowska Watra w Zdyni jest równoznaczny z wyrażeniem zgody na rejestrację wizerunku w formie: fotorelacji, videorelacji oraz rejestracji dźwięku, które organizator tj. Zjednoczenie Łemków oraz jednostki podległe organizacji wykorzysta w swoich działaniach informacyjno-promocyjnych oraz archiwalnych.
Więcej o RODO : https://giodo.gov.pl/pl/569/9276