Алеґро

Перша думка про свою капелю явилася в голові Марка Калиняка в 2013 році, а юж початком 2014 рока «Алеґро» веселило людей не лем в околицях Свидника. Веселіст іде в парі з членами капелі, бо і сама назва алеґро – то з італійской мови «весело, радісно», хоцки хлопчиска сами бесідуют же кус єй покращили – бо пишут єй без єдно «л». 4 членів капелі фурт рихтує нови руснацки, українски, словацки ци шаришски сьпіванки, якима заповнили юж два свої цедечка. Хотят веселити кожного – і молодшого і старшого. Приобіцялися принести до Ждині повни жмені позитивной енергії і цікави аранжації своїх сьпіванок.

Послухайте гев:

ЮТУБОВА СТОРІНКА АНСАМБЛЮ

або посмотртеся гев:

ҐАМБОКНИЖКОВА СТОРІНКА АНСАМБЛЮ